Мектебіміздің жоғары сынып оқушылары Денсаулық күнін табиғаты көркем Аюсай шатқалында өткізді. Бұл іс-шара оқушылар үшін белсенді демалыс пен салауатты өмір салтын насихаттаудың тамаша үлгісі болды.

Күн барысында оқушылар таза тау ауасымен тыныстап, сарқырамаға жаяу көтерілді, түрлі белсенді ойындарға қатысып, баллонмен сырғанап, табиғат аясында пикник ұйымдастырды.

Осындай шаралар оқушылардың денсаулығын нығайтып қана қоймай, олардың бір-бірімен қарым-қатынасын жақсартып, командалық рухын арттырады және мектеп өмірін жарқын естеліктерге толтырады.

Біз үшін оқу мен белсенді демалысты ұштастыру – оқушылардың жан-жақты дамуының маңызды бөлігі.

Бастауыш сынып оқушылары бұл жарқын мерекені ерекше ықыласпен және жоғары деңгейде атап өтті. Іс-шара жылы әрі мерекелік атмосферада өтіп, мектептің тәрбиелік жұмысының маңызды бөлігіне айналды.

Мереке барысында оқушылар қазақтың салт-дәстүрлері мен әдет-ғұрыптарын көрсетті, ұлттық тағамдардың жасалу тәсілдері туралы айтып берді. Сондай-ақ әсем ұлттық киімдер киіп, ұлттық нақыштағы әндер орындап, көрермендерге әсерлі билер ұсынды.

Шара мазмұнды әрі әсерлі өтті. Ата-аналар балалардың өнері мен мерекенің ұйымдастырылуына жоғары баға берді.

Біздің мақсатымыз — тек сапалы білім беру ғана емес, сонымен қатар оқушылардың бойына ұлттық құндылықтарға, мәдениет пен дәстүрге деген құрметті қалыптастыру.

Мектебімізде жоғары сынып оқушылары арасында мектеп кубогына арналған шахмат турнирі өтті. Бұл жарыс зияткерлік ойындарға қызығушылық танытатын оқушыларды біріктіріп, логикалық ойлау, стратегия құру және шыдамдылықты талап ететін тартысты додаға айналды.

Турнир барысында қатысушылар өздерінің жоғары дайындық деңгейін көрсетіп, әр жүрісті мұқият ойластырып, күрделі жағдайларда дұрыс шешім қабылдай білді. Әр партия қызықты әрі достық атмосферада өтті.

Жарыс қорытындысы бойынша жеңімпаздар анықталды:

• қыздар арасында — 9 «А» сынып оқушысы Илякова Малика
• ұлдар арасында — 11 сынып оқушысы Временичев Евгений

Жеңімпаздар дипломдармен және мектеп кубогымен марапатталды, ал жүлдегерлер дипломдар мен медальдарға ие болды.

Осындай іс-шаралар оқушылардың зияткерлік қабілеттерін дамытып, стратегиялық ойлауын, төзімділігін және өзіне деген сенімділігін арттырады. Шахмат – оқушылардың жан-жақты дамуына ықпал ететін маңызды бағыттардың бірі.

Мектебімізде Наурыз мейрамына орай ұлттық ойындардан мазмұнды әрі қызықты жарыстар ұйымдастырылды. Бұл шара оқушылардың бойында ұлттық құндылықтарға деген құрметті арттырып, салт-дәстүрлерді дәріптеуге бағытталды.

Жарыс барысында оқушылар арқан тарту, асық ату және мергендер сайысы сияқты дәстүрлі ойындарда өз шеберліктерін көрсетті. Әр ойын ептілік пен дәлдікті, күш пен ұйымшылдықты талап етіп, қатысушылардың белсенділігін арттырды.

Іс-шара өте тартысты әрі жоғары деңгейде өтті. Оқушылар бір-біріне қолдау көрсетіп, достық пен ынтымақтастықтың үлгісін көрсетті.

Жарыс қорытындысы бойынша жеңімпаздар анықталып, арнайы марапаттар мен сыйлықтар табысталды.

Осындай мерекелік шаралар арқылы біз жас ұрпаққа ұлттық мұраны насихаттап, олардың бойында отансүйгіштік пен ұлттық рухты қалыптастыруды мақсат етеміз.

Наурыз мерекесі құтты болсын!

Әр шаңыраққа шаттық, береке және бірлік тілейміз!

Бастауыш сынып оқушылары Аналар мерекесін сынып сағаттарында ерекше атап өтті. Оқушылар аналарына арнап шағын мерекелік бағдарлама дайындады. Балалар ән айтып, би билеп, түрлі қызықты ойындар ұйымдастырып, өз өнерлерін көрсетті. Әрбір өнер нөмірі аналарға деген сүйіспеншілік пен құрметке толы болды. Мерекелік шара барысында аналар балаларының өнерін тамашалап, ерекше әсер алды. Балаларының жетістіктері мен талпыныстарын көрген аналар қуанып, риза болып қайтты.

Біздің оқушылар 2026 жылды жарқын жеңістермен қарсы алады!

Біздің оқушылар Республикалық пәндер аралық олимпиадалардың аудандық кезеңінде жеңіске жетті

Жаңа жыл қарсаңында мектеп директоры жеңімпаздар мен жүлдегерлерді дипломдармен және естелік сыйлықтармен марапаттады

Сонымен қатар, бастауыш бастамашыл, жауапкершілігі мол және білімге ұмтылысы бар белсенді оқушылар да атап өтілді.

Осы жетістіктер 2026 жылы жаңа табыстар мен жеңістерге берік іргетас болсын!

Келе жатқан жаңа жылдарыңызбен!

Әліппемен қоштасу — үлкен қадам!

Біздің 1-сынып оқушыларымыз алғашқы әрі сүйікті кітаптары — Әліппемен қоштасты.

Енді бүлдіршіндер ана тілін еркін меңгеріп, жаңа білім белестерін бағындыруға дайын

Жас оқырмандарымызға алда тек сәттілік пен биік жетістіктер тілейміз!

Тәуелсіздік күніне орай мектебіміздің жоғары сынып оқушылары тағылымы терең, тәрбиелік мәні зор іс-шара өткізді.

Іс-шара барысында оқушылар ел тарихына тағзым етіп, тәуелсіздік үшін күрескен ерлердің ерлігін еске алды. Бұл — жас ұрпақтың өз еліне деген сүйіспеншілігін, ұлттық құндылықтарды құрметтейтінін және тәуелсіздіктің қадірін терең түсінетінін көрсеткен әсерлі сәттерге толы болды.

Тәуелсіздігіміз тұғырлы, болашағымыз жарқын болсын!

Мектебіміздің бастауыш сынып оқушылары Халықаралық «Пони» және республикалық «Ақбота» онлайн зияткерлік олимпиадаларына қатысып, жоғары нәтижелер көрсетті. Білім додасында жас қатысушылар өз білімдері мен логикалық ойлау қабілеттерін дәлелдеп, I, II және III дәрежелі дипломдармен марапатталды.

Бұл жетістік — оқушылардың тынымсыз еңбегі мен табандылығының, сондай-ақ ұстаздарымыздың кәсіби әрі сапалы дайындығының айқын көрінісі.Жас зияткерлерімізді шын жүректен құттықтаймыз! Алдағы уақытта да биік белестерді бағындырып, жаңа жетістіктерге жете берулеріне тілектеспіз.

Біз өзіміздің талантты оқушыларымызбен мақтанамыз!

Оқушыларымыз Grand Festival Dubai байқауынан жеңіспен оралды!

8 «Ә» сынып оқушысы — Кожаханова Алия домбырашылар оркестрінің құрамында өнер көрсетіп, ГРАН-ПРИ иегері атанды!

Ұлттық өнердің күші, күйдің рухы, домбыраның үні — Дубай төрінде шарықтады!

7 «Ә» сынып оқушысы — Кожаханов Абильмансур жеке орындау номинациясында I орынды жеңіп алды!

Ол Құрманғазының әйгілі «Балбырауын» күйін домбырада тамаша орындап, көрермендерді тәнті етті

Талантты, еңбекқор және өнерлі шәкірттерімізді шын жүректен құттықтаймыз!

Сіздер — біздің мақтанышымыз, еліміздің үміті, қазақ өнерінің жарқын болашағы!

Жарайсыңдар, Маќсат мектебінің жұлдыздары!

Мектебімізде білікті логопед жұмыс істейді, және біз оқушылардың дұрыс әрі анық сөйлеу дағдыларын дамытуға ерекше көңіл бөлеміз.

Мектебіміздің логопеді Анял Әбәйқызы бастауыш сынып оқушыларымен жүйелі түрде сабақ жүргізеді. Сабақ барысында оқушылар артикуляциялық жаттығулар орындап, сөйлеуді дамытуға арналған ойын тапсырмаларын орындайды, дыбыстарды дұрыс айтуға жаттығады, сондай-ақ тілдік және шығармашылық ойлау қабілеттерін дамытады.

Бұл жұмыстар оқушылардың оқу процесіне тез бейімделуіне, еркін сөйлей білуіне және толыққанды сөйлеу дағдыларының қалыптасуына ықпал етеді.

Мектебіміздің жоғарғы сынып оқушылары Қазақстандағы алғашқы заманауи өнер музейі — кәсіпкер әрі меценат Нұрлан Смағұлов негізін қалаған Almaty Museum of Arts музейіне барды.

Экскурсия барысында оқушылар қазақстандық заманауи өнерге арналған ең ірі жеке коллекциялардың бірімен танысты. Бұл коллекция отыз жылдан астам уақыт бойы жинақталып, бүгінде түрлі жанрлар мен стильдерді қамтитын 700-ден астам өнер туындысын біріктіреді. Экспозиция еліміздің заманауи өнерінің дамуын кең көлемде таныстырып, отандық суретшілердің шығармашылық ізденістерін көрсетеді.

Мұндай танымдық сапарлар оқушылардың көркемдік талғамын қалыптастырып, дүниетанымын кеңейтеді және еліміздің мәдени мұрасын тереңірек түсінуге ықпал етеді.

"MAQSAT" мектебінде жарқын да көңілді «Күзгі түстер» атты түрлі-түсті кеш өтті!

Әр сынып жеребе арқылы өз түсін таңдап алды — қызыл, жасыл, қоңыр, қызғылт сары, сары, күлгін, көк және бордо. Оқушылар өз түстеріне сай әшекейлер, киімдер мен тәттілер дайындап, мектепті нағыз күзгі мерекенің алаңына айналдырды. Балалар түрлі түсті таяқшалармен, доптармен және шарлармен қызықты ойындар ойнады. Бұл ойындар мерекеге ерекше көңіл-күй сыйлап, ептілік, тапқырлық және командалық рухты көрсетті. Мереке соңында әр түске арналған әуен ойнап, сахнаға сынып жетекшілерімен бірге оқушылар көтерілді. Бұл сәт шын мәнінде қуаныш пен шабытқа толы көрініс болды!Сондай-ақ онлайн олимпиадаларда жүлделі орын алған оқушылар марапатталды. Барлығы мерекеден кейін жақсы көңіл-күймен үйлеріне тарқасты.Қызғылт сары және бордо түстеріндегі тәттілер, қызыл бархат торттар, жасыл шарлар мен алмалар, сары және күлгін қалпақтар, қоңыр себеттер — бәрі де біздің мерекемізді ерекше жарқын етті!

«Күзгі түстер» кеші оқушыларға шаттық пен шабыт сыйлаған керемет мереке болды!

Біздің мектептің бастауыш сынып оқушылары «Chamberlane» ат клубында болып қайтты. Олар әлемнің түкпір-түкпірінен келген 22 түрлі жылқы тұқымын тамашалады — араб, исланд және америкалық асыл тұқымды жылқылар. Сонымен қатар балалар сүйкімді понии мен Али Бабаевич есімді түйемен танысты. Әр жылқының өз есімі мен мінезі бар — Наоми, Джони, Сұлтан және тағы басқалары. Гид әр жануардың тарихын қызықты етіп әңгімелеп берді, оны тыңдау бір ғанибет болды. Балалар жылқыларды сипап, жем беріп, тіпті олармен «сөйлесті» —

жылқылар балалардың сөзін түсініп, бас изеп жауап бергендей болды. Күннің соңында балалар жылқылардың әсем көрсетілімін тамашалады.

Бұл күн балалар мен мұғалімдер үшін ұмытылмас әсер қалдырды

6 «А» сыныбында өткен жаратылыстану сабағында оқушылар нағыз ғалымдарға айналды!

Әрқайсысы өмірдің пайда болуы туралы гипотезалардың бірін – креационизм, өздігінен пайда болу, стационарлық және биохимиялық теорияны таныстырды.

Оқушылар тек теорияны айтып қана қоймай, өз нұсқаларын дәлелдейтін шағын тәжірибелер де көрсетті.

Сабақ соңында әркім өз пікірін білдірді: бірі әлемді Жаратушы жаратты десе, енді бірі өмір ұзақ эволюция нәтижесінде пайда болды деп санады.

Бүгін біздің мектепте нағыз дәм мен көңілді күн болды! Оқушылар үйден дайындаған тәттілерін — бәліш, печенье, самса, құймақ және басқа да тағамдарын әкелді.

Жәрмеңке сөрелерінде – хош иіс, жылулық пен күлкі!

Әр сынып өз дастарханын әзірлеп, қонақтар мұндай молшылық пен дәмге қарсы тұра алмады.

Бірінші сынып оқушылары алғашқы сөздері мен сөйлемдерін оқып үйренуде.

Әр сабақ – қуанышқа толы жаңалық, күлкі мен білімге бастайтын сенімді қадам!

Оқушыларымыз конструктордан алғашқы үлгілерін құрастырып, логикасын, қиялын және өзіне сенімділігін дамытады.

Бүгін – кішкентай өнертапқыштар, ертең – болашақ инженерлер.

Тартысқа толы әрі қызықты өткен жарыс барысында оқушылар өздерінің зеректігін, сабырлылығын және логикалық ойлау қабілеттерін көрсетті. Біз чемпиондарымызды қуана жариялаймыз

1-сынып оқушылары арасында

Чемпион — 1 «А» сынып оқушысы Сархан Яздигани

2–4 сынып ұлдары арасында

Чемпион — 4 «А» сынып оқушысы Саид Диасұлы

Қыздар арасында

Чемпион — 3 «Ә» сынып оқушысы Сымбат Қолбатырова

Жеңімпаздарымызды шын жүректен құттықтаймыз!

Бастауыш сыныптарда маңызды мерекелерге арналған сынып сағаттары өтті.

Оқушыларымыз Жеңіс күні мен Отан қорғаушылар күніне орай патриоттық бағыттағы түрлі іс-шараларға белсене қатысты.

Сынып сағаттары барысында интеллектуалдық ойындар мен жарыстар ұйымдастырылып, оқушылар сурет салып, өз ойларын шығармашылық арқылы жеткізді. Сонымен қатар, пазлдар құрастырып, логикалық қабілеттерін дамытты. Балалар Ұлы Отан соғысының батырларын еске алып, олардың ерліктеріне тағзым етті.

Аталған іс-шаралар оқушылардың тарихқа деген құрметін арттырып, елін сүюге, отансүйгіштік рухты бойына сіңіруге үлкен әсер етті.

Отанға деген сүйіспеншілік жүректен басталады.